Anak
kanduang sibiran tulang, ubek jariah palarai damam,
si
dingin tampa di kapalo.
Kok
sampai rabuang jadi batuang, urek alah mancakam bumi, rueh
lah babuku-buku, pucuak malambai-lambai awan,
daun
runduak ka bumi, maliek tanah nan manggadangkan.
Anak
kanduang sayang bapilin,
Danga dek anak elok-elok, nak tinggi naiakkan budi,
Nak
elok tahan napasu, nak kuek paham di kunci,
budi
jan kamaliangan.
Anak
bundo tambatan hati
Kuekkan
batin jo iman, panupang bagi nan condoang
Panyisiak
bagi nan jarang, panambah untuak nan kurang.
Anak
kanduang sangkutan jiwa,
Jadilah
urang bijaksano, tau disindia jo kieh,
Tau
di rangeh ka malantiang, tau di ombak ka basabuang.
Anak
kanduang mainan mato,
Pacik
taguah pasan bundo, tali tagok tampek bapacik,
Kato
bana tampaik picayo, buruak dibuang jo hetongan,
Elok
dihelo jo mupakaik.
Anak
kanduang kasiah bapiyuah,
Pikia
itu palito hati, diam ulu bicaro,
Bakato
paliaro lidah, bajalan paliaro kaki.
Anak
kanduang balahan badan,
Pandai-pandai
nanak batenggang, kok gadang usah malendo,
Kok
tajam jan malukoi, cadiak usah mambuang kawan,
Gapuak
jan mambuang lamak.
Anak
kanduang limpo bakuruang,
Hiduik
landasi jo jujur, jan mangguntiang dalam lipatan,
Jan
manuhuak kawan sairiang.
Anak
kanduang kasiah tak sudah,
Batindak
anak sapanuah hati, jikok mambalok maampulua,
Kok
mamapek maratokan, maawai sahabih raso, mangaca sahabih sauang.
Anak
kanduang palito hati,
Tak
ado gadiang nan tak ratak, bukan gadiang kalau tak ratak,
Jikok
ratak, rataklah sarupo gadiang, jan ratak saroman piriang,
Ratak
piriang mambaok pacah, ratak gadiang mambao indah.
Anak
kanduang sayang di denai,
Sagitu
pasan dari Bundo,
Elok-elok
di tampek urang,
